الصيام العام يوم 20 مايو خليــــــــــــــــك صـــــــــــــــايم إتفقت كافه القوي الاسلاميه في مصر علي أن يكون يوم 20مايو يوم صيام عام في مصر و يوم دعاء عام جماعى يوم لجوء لله عز و جل من كل مسلمين مصر لرفع الظلم عن كاهلنا بسم الله الرحمن الرحيم
جربنا الاضرابات و جربنا المظاهرات و جربنا السجون حاجه واحده لسه مجربنهاش اللجوء لله عز و جل اللى هو فى ايده كل شئ المسلمين كانوا بيصلو صلاة الاستسقاء عشان المطر ينزل و بيصلوا صلاة الحاجه و صلاة الاستخاره ليه احنا دلوقتى منصمش يوم واحد لله عز و جل عشان يرفع عننا الكرب عاجبك حال المسلمين فى مصر عاجبك الى بيحصل عاجبك الى فية البلد عاجبك حالك انت ؟ عاجبك الاسعار دلوقتى ؟ عاجباك الواسطة و المحسوبية و السرقة و الفساد ؟ عاجبك شوارع مصر ؟ عاجبك حال التعليم ؟ عاجبك ان فوق 82% من شعب مصر عايش تحت خط الفقر ؟ لو انت مش عاجبك كل دة متقولشى و انا مالى متقولشى انا مقدرشى اعمل حاجة و مفيش حاجة فى ايدى محدش هيتحرك علشان يدافع عنك وو يجيبلك حقك غير الله عز و جل لازم كل الناس تتحرك و تصوم صيام جماعى و لو يوم واحد عشان ربنا يرفع الكرب عننا و على الاقل تثبت وجودها و ان لسه فيه مسلمين فى البلد خلى اليوم دة الى كلنا نقول لربنا فية احنا محتاجنلك يا رب احنا مسلمين و عايزين تعيش يوم 20مايو خليك صايم لربك أوعي تفطر ماتروحشي تشتكى للمدير ماتروحشي تشتكى للوزير ماتروحشي تشتكى لرئيس الوزراء
يوم 20مايو روح الشغل و انت صايم افتح المحل و انت صايم افتح الصيدليه و انت صايم روح المعسكر و انت صايم اشتكى لربنا ادعى من قلبك طبعا انت عارف ان للصائم دعوه لا ترد عند فطره فما بالك بدعوة 40مليون صائم؟؟؟ دة الوقت الى ندعى فية و نقف وقفة مسلم واحد و الوقت الى نقول لربنا فية ......... عايزينك ترضى عنا عايزينك ترفع عننا الكرب عايزين مرتبات تعيشنا عايزين نشتغل عايزين تعليم لأولدنا عايزين مواصلات أدمية عايزين مستشفيات تعالجنا عايزين دواء لأطفالنا عايزين حرية وكرامه عايزين شقق للعرسان
قول لأصاحبك يروحو الشغل و هما صايمين همه كمان وخليهم يدخلوا الصيام و حاول انك تتحد مع اخوانك المسلمين و لو فى صيام يوم واحد و ندعى وقت الفطار دعوه واحده جماعيه ياااااااااااااارب ارفع الظلم عننا انك انت القادر على كل شئ مالك الملك ذو الجلال و الأكرام
موضوع: يوم 20 مايو 
الأربعاء مايو 28, 2008 2:44 pm
